9 май – иң оло һәм изге байрам. Ул бөтә халыҡ ғорурлығы, илһөйәрлек, ҡаһарманлыҡ өлгөһө һәм әсе юғалтыуҙар көнө.  Ошо уңайҙан  8 майҙа Малаяҙ башҡорт гимназияһында  гимназистар   Бөйөк Ватан һуғышы ветераны  Шакиров Тәүил Ниғмәтйән улы менән осрашты.  Ветеран  үҙенең   һуғыш хәтирәләре менән уртаҡлашты, балаларға тыуған илдәге халыҡтар дуҫлығының , тыныслыҡтың ҡәҙерен белергә өндәне.  Уҡыусылар олатайҙың  һәр бер һүҙен йотлоғоп тыңланы, үҙҙәрен ҡыҙыҡһындырған һорауҙарға  яуап алды.  Сара барышында ауыр һуғыш йылдары тураһындағы фильм  балаларҙы  уйға һалды.   Осрашыу  уҡыусыларҙың йыр-моңдары, тасуири шиғыр һөйләүҙәре менән аралашып барҙы.Сара аҙағында  балалар ветеран менән иҫтәлеккә  фотоға төштө. Гәрәева Ф.Й. - тәрбиә эше буйынса директор урынбаҫары.